Noyabrın 1-də Ağ ev Rusiyanı çağırıb ki, BMT təhqiqat qrupunun mandatının yenilənməsini əngəlləməsin. Bu qrup Suriyada kimyəvi silah hücumlarının arxasında kimin durduğunu araşdırır.
Birləşmiş Ştatlar mandat məsələsini ötən həftə BMT Təhlükəsizlik Şurası qarşısında qaldırmışdı, Rusiya qrupun mandatının yenilənməsinə veto qoyub. Birgə Təhqiqat Mexanizminin (JIM) səlahiyyəti noyabrın ortasında bitir.
Araşdırma qrupu ötən həftə bildirib ki, bu ilin aprelində Xan Şeyxun şəhərində sarin qazı hücumu üçün Suriya hökuməti məsuliyyət daşıyır. Bu açıqlama Rusiyanı qəzəbləndirib. Çünki Rusiya və Suriya hökuməti bu iddianı danır.
Xan Şeyxundakı hücumda onlarla adam həlak olmuşdu.
Birləşmiş Ştatlar BMT-nin Təhlükəsizlik Şurasını JIM-in mandatını yeniləməyə çağırır, Ağ evin bəyanatında belə deyilir.