Azərbaycan Dövlət İqtisad Universitetinin özünüidarə statusu ləğv edilib.
Prezident İlham Əliyev bu gün, noyabrın 2-si bununla bağlı sərəncam imzalayıb.
Sənədə əsasən, ADİU-ya özünüidarə statusunun verilməsi ilə bağlı ölkə başçısının 2002-ci ilin iyununda imzaladığı sərəncam ləğv edilib.
Prezident bu ilin iyun ayında “Bakı Dövlət Universitetinin və Azərbaycan Dövlət İqtisad Universitetinin yenidən təşkili haqqında” sərəncam vermişdi.
Buna da bax: İqtisad Universitetinin vəzifəli şəxslərinə cinayət işi başlanıb
Sərəncamda Dövlət İqtisad Universitetinin Təhsil Nazirliyinin tabeliyində publik hüquqi şəxs statusuna malik olmaqla yenidən təşkil edilməsi öz əksini tapmışdı.
Publik hüquqi şəxs – dövlət, bələdiyyə adından və ya publik hüquqi şəxs tərəfindən yaradılır. Ümumdövlət, ictimai əhəmiyyət daşıyan fəaliyyətlə məşğul olan, dövlət və ya bələdiyyə orqanı olmayan təşkilatdır.