Yanğın söndürülüb
«AFEN Plaza» biznes mərkəzində baş verən yanğın söndürülüb. Bu barədə AzadlıqRadiosunun müxbiri xəbər verir.
Hadisə ilə bağlı Fövqəladə Hallar Nazirliyi də məlumat yayıb.
Məlumatda bildirilir ki, xilasetmə qüvvələri 40 nəfəri təhlükəsiz əraziyə təxliyə edib. Yanğının baş vermə səbəbi hələlik açıqlanmır.
+++
Bu gün, noyabrın 10-u günorta saatlarında Bakının Nərimanov rayonunda yerləşən biznes mərkəzində yanğın başladığı bildirilir.
Yanğının «AFEN Plaza» biznes mərkəzinin 6-cı mərtəbəsində baş verdiyi bildirilir.
Hadisə yerinə yanğınsöndürən briqadaları cəlb olunub.