Dövlət orqanları müsabiqəyə 990 vakant vəzifə təqdim ediblər.
Bunu Dövlət İmtahan Mərkəzinin (DİM) icraçı direktoru Vəfadar Misirov noyabrın 14-də dövlət qulluğuna qəbula dair keçirdiyi mətbuat konfransında deyib.
AZƏRTAC-ın xəbərinə görə, ən çox yeri Kənd Təsərrüfatı Nazirliyi (504 vakant vəzifə) və Dövlət Statistika Komitəsi (122 vakant vəzifə) təqdim edib.
V.Misirovun deməsinə görə, DİM noyabrın 18-də inzibati rəhbər vəzifələr olan AA, AB, AC, dekabrın 17-də isə inzibati icraçı vəzifələr sayılan BA və BB vəzifə qrupları üzrə test imtahanları keçiriləcək.
Test imtahanlarına qeydiyyat noyabrın 7-də başlanıb.