Noyabrın 30-da müdafiə naziri Zakir Həsənov Azərbaycanda səfərdə olan Türkiyə Hərbi Hava Qüvvələrinin (HHQ) komandanı ordu generalı Hasan Küçükakyüz ilə görüşüb.
Xəbəri Müdafiə Nazirliyi yayıb.
Xəbərə görə, Müdafiə Nazirliyində geniş tərkibdə keçirilən görüşdə Azərbaycan ilə Türkiyə arasında təhlükəsizlik, hərbi, hərbi-texniki və hərbi təhsil sahələrində əməkdaşlığın inkişafı müzakirə edilib. Habelə, HHQ-lər arasında əlaqələrin hazırkı vəziyyəti və perspektivləri nəzərdən keçirilib.
Görüşdə təcrübə mübadiləsi məqsədilə hərbi mütəxəssislərdən ibarət ekspert qruplarının qarşılıqlı səfərlərinin, birgə təlimlərin sayının artırılması və maraq doğuran digər məsələlər barədə də ətraflı fikir mübadiləsi aparılıb.