Dekabrın 11-də Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi bildirilir.
Şimal-qərb küləyinin arabir güclənəcəyi, gecə və axşam bəzi yerlərdə çiskin olacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, gecə 5-9, gündüz 9-13, Bakıda gecə 7-9 , gündüz 10-12 dərəcə isti gözlənir.
Azərbaycanın rayonlarında da yağıntının olmayacağı bildirilir. Gecə və səhər bəzi yerlərdə duman olacağı vurğulanır. Gecə 2-6, gündüz 9-14 dərəcə isti, dağlarda gecə 0-5 dərəcə şaxta, gündüz 6-11 dərəcə isti təxmin edilir.