Səudiyyə Ərəbistanı hökuməti gələn il krallıqda kommersiya kinoteatrlarına icazə veriləcəyini bildirib.
Mədəniyyət və İnformasiya Nazirliyi dekabrın 11-də bildirib ki, “35 ildən sonra ilk dəfə olaraq 2018-ci ilin əvvəlində kommersiya kinoteatrlarının fəaliyyətinə icazə veriləcək”.
Nazirlik 2030-cu ilədək ölkədə 300 kinoteatrın açılacağını bildirib.
Sünnilərin idarə etdiyi krallıqda kinoteatrlar 1980-ci illərin əvvəlində, sərt xətt tərəfdarlarının təzyiqi nəticəsində bağlanıb.
Qadağanın tənqidçiləri isə deyirdilər ki, internet əsrində bunun mənası yoxdur.
Qadağanın qaldırılması vəliəhd şahzadə Mohammed bin Salman-ın islahatları çərçivəsində baş verir.
Gələn ildən krallıqda qadınların maşın sürməsinə də icazə verilir.