Rusiya Suriyanın şimalında kürdlərin nəzarətində olan muxtar region liderlərinə söz verib ki, gələn ay Soçidə keçiriləcək sülh forumuna təmsilçilərini göndərə bilərlər. Bunu Suriyada kürd komandiri dekabrın 27-də deyib.
YPG komandiri Sipan Hemo-nun sosial media kanallarında bildirməsinə görə, Moskva muxtar regiondan 155 təmsilçinin görüşə gedəcəyini deyib.
2011-ci ildə Suriyada vətəndaş müharibəsi başlanandan kürd qrupları heç bir sülh danışığında iştirak etməyiblər.
Türkiyə onların danışıqlarda iştirakına qarşı çıxır. Ankara YPG-ni kürdlərin PKK qruplaşmasına bağlı terrorçu qrup sayır. PKK on illərdir Türkiyədə muxtariyyət savaşı aparır.
Rusiya yanvarın 29-30-da Soçidə Suriya sülh dialoqu keçirəcəyini açıqlayıb. Ancaq müttəfiqi, Suriya prezidenti Bashar al-Assad-dan başqa bu toplantıya kimin gedəcəyi bəlli deyil.
Suriyanın 40-dək üsyançı qrupu dekabrın 26-da bildiriblər ki, danışıqlarla getməyəcəklər.
Kürdlər dəvət olunarsa, Türkiyə prezidenti Recep Tayyip Erdogan-ın da inciyəcəyi ehtimalı var. Erdogan münaqişədə üsyançı qrupları dəstəkləyir. O, dekabrın 27-də Assad-ı “terrorçu” adlandırıb, deyib ki, o, sülh danışıqlarına tərəf olmamalıdır.