20 Yanvar faciəsinin 28-ci ildönümü ilə əlaqədar Türkiyənin Bakıdakı səfirliyi, Naxçıvan və Gəncə şəhərlərindəki baş konsulluqlarının binası üzərindəki bayraqlar endiriləcək.
Bunu Türkiyənin Azərbaycandakı səfirliyindən bildiriblər.
«Azərbaycanın müstəqilliyi və istiqlalı uğrunda mübarizənin dönüş nöqtələrindən biri olan 1990-cı ilin 20 yanvarı heç zaman unudulmayacaq», - səfərlikdən vurğulayıblar.
Xatırlatma
1990-cı il yanvarın 19-dan 20-nə keçən gecə SSRİ Silahlı Qüvvələri Bakıda qırğın törədib. 130-dəb çox şəxs həlak olub, 700-dən çox şəxs yaralanıb, 1000-dən çox şəxs həbs olunub. Həmin vaxtdan etibarən hər ilin yanvarın 20-si Azərbaycanda ümummilli hüzn günü kimi qeyd edilir.