İran mediası yazır ki, parlament üzvləri dekabrın sonunda ölkəni silkələmiş antihökumət etirazlarında saxlanmış məhbuslara baş çəkə biləcək.
Parlamentin ədliyyə komitəsinin sözçüsü Hassan Norouzi yanvarın 21-də yarırəsmi ISNA agentliyinə deyib ki, “müraciətimiz bu gün təsdiqləndi”.
Məlumata görə, yanvarın 28-də komitə üzvlərindən kiçik bir qrup Tehranın Evin həbsxanasındakı məhbuslara baş çəkə biləcək.
Qrupa 10-dək deputatın salınacağı bildirilib.
İslahatçı deputat Mahmoud Sadeghi etirazlarda 3 min 700 nəfərin saxlandığını demişdi.
İlkin olaraq bahalanmaya və rəsmi səviyyədə korrupsiyaya etirazla başlamış nümayişlər sonradan ruhani liderlərə qarşı çevrildi.
İran parlamentinin yanvarın 7-də bildirməsinə görə, tələbələr daxil olmaqla sıravi etirazlar hissə-hissə buraxılacaq, amma etirazların liderləri cəzalandırılacaq.