Azərbaycanda qanunsuz miqrasiyaya qarşı keçirilən tədbirlər zamanı 15 nəfər, o cümlədən bir Hindistan vətəndaşının saxlandığı bildirilir.
Bu haqda Dövlət Miqrasiya Xidmətinin (DMX) məlumatında yazılır.
İddiaya görə, Hindistan vətəndaşı Nema Devi Haibam Şərq ölkələri vətəndaşlarının Azərbaycan ərazisindən tranzit kimi istifadə etməklə Avropa, Ukrayna, Rusiya və Türkiyəyə qanunsuz miqrasiya kanalını təşkil edib.
DMX həmin şəxslərin saxlanıldığını bildirir.
Ancaq bu açıqlamaya Nema Devi Haibamın və ya vəkilinin hələlik münasibətini almaq mümkün olmayıb. Onun və saxlanan başqa şəxslərin ittihamlarla razılaşıb-razılaşmadıqları açıqlanmır.