ABŞ prezidenti Donald Trump deyir ki, xüsusi müşavir Robert Mueller tərəfindən dindirilməyə razıdır. Mueller Rusiyanın 2016-cı ildə ABŞ-da prezident seçkisinə iddia olunan müdaxiləsini araşdırır.
“Həqiqətən də bunu gözləyirəm. And içərək bunu edəcəyəm”, – Trump yanvarın 24-də Ağ evdə jurnalistlərə deyib.
ABŞ kəşfiyyat agentlikləri Rusiyanın seçkiyə respublikaçıların namizədi Trump-ın xeyrinə müdaxilə etməyə, onun demokratlardan rəqibi Hillary Clinton-u gözdən salmağa çalışması qənaətinə gəlib.
Hazırda bu məsələni Mueller-lə yanaşı, Konqresin azı üç komitəsi də araşdırır.
Kreml ittihamları rədd edir, Trump da komandasının Rusiyayla heç bir əməkdaşlığa getmədiyini bildirir.