Biləsuvar Gömrük İdarəsinin «Qoşa Təpə» gömrük postunda İran İslam Respublikası vətəndaşının bağırsağında psixotrop maddə aşkarlandığı bildirilir.
Bu barədə Dövlət Gömrük Komitəsinin ( DGK) bu gün, yanvarın 25-də yaydığı məlumatda bildirilir.
«Azərbaycana piyada gələn İran vətəndaşı Alıpour Abbas Esmaeilin üzərində qanunvericiliyə uyğun şəxsi yoxlama aparılıb. Yoxlama nəticəsində həmin şəxsin daxili orqanı-düz bağırsağından 6 ədəd sellofan bükümdə ümumi çəkisi 57.20 qram psixotrop maddə aşkar olunub», - məlumatda vurğulanır.
DGK bildirir ki, aşkar edilən maddə «Azərbaycan Respublikasının ərazisində dövriyyəsi qadağan edilən psixotrop maddələr»in I siyahısına daxildir.
İttihama hələlik saxlanan İran İslam Respublikası vətəndaşından və ya onun vəkilindən münasibət almaq mümkün olmayıb. Onun ittihama münasibəti açıqlanmır.