Fevralın 27-də Azərbaycanda ilk çərşənbə, su çərşənbəsi qeyd olunacaq.
Bu haqda «Turan» agentliyinə Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanasından bildiriblər.
Rəsədxanadan bildirildiyinə görə, martın 6-da od, martın 13-də isə yel çərşənbəsi qeyd olunacaq. Axırıncı çərşənbə - torpaq çərşənbəsi isə baharın gəlişi gününə - martın 20-nə təsadüf edəcək.
Bu il yaz Azərbaycana martın 20-də saat 20:15-də daxil olacaq.
Çərşənbələr, bir qayda olaraq, baharın gəlişindən əvvəlki 4 həftədə qeyd edilir. Baharın gəlişi təqvimindən asılı olaraq çərşənbələr də dəyişir.