Yanvarın 30-da Mərkəzi Bankda Dövlət Neft Fondunun da iştirakı ilə hərrac keçirilib.
Mərkəzi Bankın yaydığı xəbərə görə, hərracda manatın ortaçəkili məzənnəsi 1.7001 səviyyəsində formalaşıb.
Bu gün, yanvarın 30-da da elə rəsmi məzənnəyə görə, 1 dollar 1.7001 manata bərabər olmuşdu.
Son aylarda keçirilən hərraclarda, bir qayda olaraq, məzənnə dəyişməz qalır.
Amma ötən il manatın dollara nisbətən 4 faiz bahalaşdığı bildirilir.
Ekspertlər hesab edirlər ki, bu, Mərkəzi Bankın elan etdiyi «üzən məzənnə» rejiminə uyğun deyil. Onların fikrincə, manata inzibati müdaxilə var.