Bu ilin yanvarında avtomobil idxalı ilə bağlı göstəricilər açıqlanıb.
Gömrük Komitəsinin məlumatına görə, ötən ay Azərbaycana 908 nəqliyyat vasitəsi gətirilib. Bu göstərici 2017-ci ilin yanvar ayından 488 ədəd (2.1 dəfə) çoxdur.
İdxal olunan minik avtomobillərinin sayının artması aksiz dərəcələrinin artması fonunda baş verib. Xaricdən 73 yük maşını idxal edilib. Bu, keçən ilin göstəricisindən 32 ədəd çoxdur.
Bu ilin yanvarından ölkəyə gətirilən avtomobillərin gömrük rüsumu təqribən 70 faiz artıb.
2015-ci ildə Azərbaycanda baş verən iki devalvasiyadan (manat dollar nisbətən 2 dəfə dəyər itirmişdi) sonra avtomobil idxalı kəskin azalmışdı.