Rusiyanın ABŞ siyasətinə mümkün müdaxiləsini araşdıran xüsusi müşavir prezident Donald Trump-ın keçmiş kampaniya üzlərinə ittihamları yeniləyib.
Böyük jürinin ittihamnaməsi fevralın 22-də yayılıb və Robert Mueller-in Trump-ın əməkdaşlarıyla Rusiyaya bağlı rəsmiləri arasında əlaqələri üzrə təhqiqatı çərçivəsində daha bir addımdır.
2016-cı ilin avqustunda Trump-ın kampaniyasının menecerliyindən uzaqlaşdırılmış Paul Manafort və onun köməkçisi Rick Gates-ə ötən il çirkli pulyuma qəsdi və digər ittihamlar verilmişdi. Bu ittihamların çoxu Manafort-un Ukraynada rusiyapərəst siyasi partiya üçün gördüyü konsultasiya və lobbiçilik işiylə bağlıdır.
Hər ikisi təqsirsiz olduğunu deyib.
Yeni ittihamlara isə vergidən yayınma, maliyyə fırıldağı daxildir.
Manafort-un sözçüsü onun “günahsız” olduğunu, yeni ittihamlarla bağlı bəraət alacağından “əminliyi”ni bildirib.
Bu həftənin əvvəlində Londondan bir vəkil Gates-lə kommunikasiyasıda dair prokurorlara yalan danışdığını boynuna alıb.