Bu gün, fevralın 25-də Dövlət İmtahan Mərkəzi (DİM) ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının birinci mərhələsini keçirib.
Mərkəzin yaydığı məlumata əsasən, imtahan bütün binalarda eyni vaxtda başlanıb və 2 saat 30 dəqiqə davam edib.
İmtahan prosesinin idarə olunmasından ötrü DİM-də operativ qərargah fəaliyyət göstərib.
Fevralın 26-dan etibarən DİM-də imtahan protokollarının və cavab kartlarının emalı aparılacaq. İmtahan nəticələrinin yaxın 2-3 gün ərzində elan edilməsi nəzərdə tutulur.
Buna da bax: Açıq danışmaq istəməyən tələbələr deyirlər ki... [video]
DİM habelə bildirilib ki, imtahanda iştirak məqsədi ilə 12387 bakalavr ərizə təqdim edib.
Ərizə verənlərin 5321 nəfəri oğlan, 7066 nəfəri isə qızlardır. Bakalavrlardan 6833-ü cari ilin, 5554-ü isə əvvəlki illərin məzunlarıdır, 31 nəfər xarici ölkə vətəndaşıdır.