Rusiyada Vostoçnı kosmodromunun tikintisi zamanı yol verilmiş qüsurlara görə tikinti şirkətinin rəhbəri 12 illik həbsə məhkum edilib.
Uzaq Şərq Dairə Hərbi Məhkəməsi fevralın 26-də Yury Khrizman-ın 1,5 milyon rubl (26 min 400 dollar) cərimə ödəməsi barədə də qərar çıxarıb. O, mənimsəmə və maliyyə fırıldağında təqsirli bilinib.
Digər üç təqsirləndirilən – Khrizman-ın oğlu Mikhail, keçmiş baş mühasibi Vladimir Akhikhmin və keçmiş deputat Viktor Chudov 5 il yarımdan 7 ilədək həbsə məhkum ediliblər.
Çinlə sərhəddə, Uzaq Şərqin Amir regionunda yerləşən Vostochny-nin tikintisində məqsəd Rusiyanın Qazaxıstandakı Baykonur kosmodromundan asılılığını azaltmaqdır. Ancaq bu layihəylə bağlı korrupsiya iddiaları ortaya çıxandan son illər bir neçə nəfər saxlanıb.
2015-ci ilin yazında tikintidə çalışan fəhlələr maaşlarının gecikdirilməsinə etiraz aksiyası keçiriblər.