Əfqanıstan Talibanı prezident Ashraf Ghani-nin təklifini soyuq qarşılayıb. Ghani bu qruplaşmaya siyasi baxımdan tanınma, həmçinin sülh planı təklif edib. Kabil prosesi çərçivəsində konfransa qatılmış 20-dən artıq ölkə də onun planını dəstəkləyib.
Ghani fevralın 28-də Kabildə keçirilən konfransda Talibana atəşkəs, məhbusların buraxılmasını, sanksiyaların qaldırılmasını və Talibanın qanuni siyasi qrup kimi tanınmasını təklif edib.
BMT-nin Əfqanıstandakı missiyası da Ghani-nin təklifini alqışlayıb.
Konfransa dəvət olunmayan Talibanın adı çəkilməyən rəsmisi “Reuters”ə deyib ki, Taliban liderləri təklifi öyrənirlər. Ancaq “dpa” fevralın 28-də axşam yazıb ki, Taliban vebsaytlarından birində təklifə soyuq yanaşıb. Bəyanatda deyilir ki, “xarici işğalçı qüvvələr” ölkədə qaldıqca danışıqların faydası yoxdur.