Almaniya parlamenti Angela Merkel-i dördüncü müddətə kansler seçib.
Merkel, gözlənildiyi kimi, martın 14-də Bundestaqda səsvermənin birinci raundunda seçilib.
O, gün ərzində prezident Frank-Walter Steinmeier-in Berlinin mərkəzindəki rəsmi iqamətgahında and içəcək.
Bununla da Avropanın ən böyük iqtisadiyyatında aylardır davam edən siyasi çıxılmaz durum sona çatıb.
Sentyabr seçkisində sağçı populist partiyanın yüksəlişi ənənəvi partiyaları zəiflədib, Merkel-in Mühafizəkar Demokratik Birliyini (CDU) çoxluqdan məhrum edib. O, solçu Sosial Demokratik Partiyayla (SPD) daha bir koalisiyaya getməyə məcbur olub.