Martın 16-da Bakı və Abşeron yarımadasında havanın arabir tutulacağı, əsasən yağmursuz keçəcəyi bildirilir. Bəzi yerlərdə zəif duman, çiskin olacağı, gün ərzində arabir güclənən şimal-qərb küləyinin əsəcəyi vurğulanır.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 4-6, gündüz 7-11, Bakıda gecə 4-6, gündüz 8-10 dərəcə isti olacaq.
Rayonlarda
Martın 16-da qərb rayonlarından başlayaraq bəzi bölgələrdə isə yağış, dağlıq ərazilərdə qar yağacağı açıqlanıb. Gecə 1-6, gündüz 7-11 dərəcə isti, dağlarda gecə 0-5 dərəcə şaxta, gündüz 3-7 dərəcə isti təxmin edilir.
Nazirlik xəbərdarlıq edir ki, martın 16-sı gündüzdən martın 17-si gündüzədək Azərbaycanın rayonlarında hava şəraiti qeyri-sabit keçəcək, bəzi yerlərdə arabir yağış, dağlıq ərazilərdə qar yağacağı, dolu düşəcəyi gözlənir.