Pakistan Ali Məhkəməsi keçmiş baş nazir Nawaz Sharif-in siyasətlə məşğul olmasını qadağan edib. Qərar aprelin 13-də İslamabadda elan edilib.
Təhlilçilər bu qərarın bu ilin sonuna planlaşdırılan parlament seçkisinə təsiri ola biləcəyini deyirlər.
İndiyədək üç dəfə baş nazir olmuş 68 yaşlı Sharif ötən il ailəsinə qarşı korrupsiya iddiaları ilə vəzifədən kənarlaşdırılıb. Bu iddialar “Panama Sənədləri” yayılandan sonra ortaya çıxmışdı.
Sharif-in hakim partiyasından olan informasiya naziri Maryam Aurangzeb hökmü “zarafat” adlandırıb.