Azərbaycan Dövlət Neft Fondu (NF) son 17 ildə əldə etdiyi gəlirlərin həcmini açıqlayıb.
Bu haqda Fondun aprelin 19-da yaydığı məlumatda bildirilir.
Məlumatda vurğulanır ki, 2001-ci ildən bu il aprelin 1-nə kimi Neft Fonduna «Azəri-Çıraq-Günəşli» yataqlar blokundan 130 mlrd. 551 mln. ABŞ dolları gəlib.
Fondun açıqlamasına görə, «Şahdəniz» qaz yatağı üzrə isə 2007-ci ildən onlara 2 mlrd. 506 mln. ABŞ dolları daxil olub.
Xatırlatma
Neft Fondu 2001-ci ildə fəaliyyətə başlayıb. Hazırda həmin vəsaitdən fondda 37 mlrd. 631.7 mln. dolların qaldığı açıqlanıb.