Dağlıq Qarabağ separatçılarının keçmiş komandiri Samvel Babayan kassasiya məhkəməsinin qərarıyla, bir qrup deputatın zəmanəti ilə azadlığa çıxacaq.
Məhkəmə daha iki məhkumun barəsində də qərarı deputatların şəxsi zəmanəti ilə dəyişib.
Kassasiya məhkəməsi apelyasiya məhkəməsinin qərarını ləğv edərək işi yenidən istintaqa göndərib.
Samvel Babayan məhkəmədə
Ötən noyabrda Samvel Babayan 6 illik həbs cəzasına məhkum edilib. O, silah qaçaqçılığında və çirkli pulyumada təqsirli bilinib. Babayan-ın müxalifətdəki müttəfiqləri bu ittihamların siyasi motivli olduğunu bildirirlər.
Məhkəmə Babayan-la birlikdə təqsirləndirilən iki nəfəri isə iki və üç illik həbs cəzalarına məhkum edib. Qalan dörd nəfərə şərti cəza verilib.
Babayan 1993-1999-cu illərdə Azərbaycanın Dağlıq Qarabağ regionunda etnik erməni qüvvələrin komandiri olub.
Ermənistanın dəstəklədiyi separatçılar Dağlıq Qarabağ və ətraf ərazilər üzərində nəzarəti ələ keçirib. Münaqişədə 30 minədək adam həlak olub, 1 milyona yaxın qaçqın və məcburi köçkün yaranıb. 1994-cü ildə atəşkəs elan olunsa da, ara-sıra atışmalar, qısamüddətli döyüşlər gedib. Müharibənin həlli üzrə danışıqlar elə bir ciddi nəticə verməyib.