Azərbaycan prezidenti İlham Əliyev iyunun 24-də Türkiyə prezidenti Rəcəb Tayyib Ərdoğana telefonla zəng edib.
AzerTAc xəbər verir ki, o, Rəcəb Tayyib Ərdoğanı "seçkilərdə əldə etdiyi inamlı qələbə münasibətilə" təbrik edib.
İlham Əliyev qeyd edib ki, "Rəcəb Tayyib Ərdoğanın rəhbərliyi altında Türkiyə daha da inkişaf edib, iqtisadi sahədə böyük uğurlar qazanıb, beynəlxalq aləmdə mövqeləri daha da möhkəmlənib. Dövlətimizin başçısı Rəcəb Tayyib Ərdoğana Türkiyə xalqının firavanlığı və inkişafı naminə yeni uğurlar arzulayıb."
Türkiyə müxalifəti seçkinin nəticələrinin reallığı əks etdirmədiyini bildirir.