2019-cu ildə Birləşmiş Ştatlar dünyada neft hasilatı üzrə birinci yerə çıxa bilər. belə bir proqnozla ABŞ-ın energetika informasiyası məsələləri üzrə federal idarəsi çıxış edib.
Proqnoza görə, gələn ilin sonunadək neft hasilatı gündə 12 milyon barrelə çata bilər. Bu halda ABŞ neft hasilatına görə Rusiyanı ötəcək.
Ötən il ABŞ-da neft hasilatı 5,6 faiz yüksəlib. Bu il hasilatın 15,4 faiz artacağı gözlənir. Səbəb şist nefti hasilatının sürətli artımıdır.
Ancaq amerikalı ekspertlərin proqnozlarına görə, ABŞ-da neft məhsullarına tələbat cüzi yüksələcək.