Kabil polisi oğurlanaraq öldürülmüş üç əcnəbinin cəsədini tapıb.
Qurbanlar bir hindistanlı, bir malayziyalı, bir makedoniyalıdır. Bunu Daxili İşlər Nazirliyinin sözçüsü Nasrat Rahimi avqustun 2-də AzadlıqRadiosu-na deyib.
Rəsmi məlumata görə, həmin şəxslər dünyanın ikinci böyük ərzaq və xidmət şirkəti olan Sodexo üçün aşpaz kimi çalışıblar.
Onlar avqustun 2-də səhər Kabilin şərqində şirkətlərinin binası yaxınlığında oğurlanıblar. Cəsədli isə şəhərin daha qarışıq ərazisi sayılan Musayidə aşkarlanıb.
Rahimi 3 nəfərin güllələndiyini, cəsədlərin bir avtomobilin içində tapıldığını qeyd edib.
“Bu mərhələdə bunun terror insidenti olduğunu düşünürük”, – Kabil polis rəisinin sözçüsü Hashmat Stanekzia deyib.
Hələlik, hücuma görə məsuliyyəti götürən olmayıb.
Kabildə kriminal dəstələr tez-tez fidyə məqsədilə xariciləri və varlı əfqanları oğurlayır.