Əfqanıstan paytaxtı Kabilin qərb hissəsində, əsasən şiələrin yaşadığı ərazidə intiharçı partlayış törədib, azı 25 nəfər həlak olub.
Avqustun 15-də törədilmiş hücumun Kabilin Dasht-e Barcha regionundakı təhsil mərkəzinin qarşısında baş verdiyi bildirilir.
Daxili İşlər Nazirliyi partlayışı intiharçının törətdiyini, təcili yardım xidməti isə azı 12 nəfərin xəsarət aldığını bildirib.
Hələlik, hücuma görə məsuliyyəti götürən olmayıb.