Bakı və Abşeron yarımadasında tozun miqdarında nisbətən azalma müşahidə olunur.
Ekologiya və Təbii Sərvətlər Nazirliyi Ətraf Mühit üzrə Milli Monitorinq Departamentinin avqustun 31-də yaydığı məlumatda belə bildirilir.
Amma məlumatda vurğulanır ki, havada toz yenə də normadan iki dəfə çoxdur.
Nazirlik bildirir ki, buna səbəb ölkə ərazisinə şərq, cənub-şərq hava axınları vasitəsi ilə Türkmənistandan toz dumanının daxil olmasıdır.
Avqustun 30-da Bakı səmasında tozun normadan təqribən 6 dəfə yuxarı olduğu açıqlanmışdı.