Bu gün, oktyabrın 4-də Avropa Liqasının qrup mərhələsində «Qarabağ» klubu İngiltərənin «Arsenal» klubunu qəbul edəcək.
Bakı Olimpiya Stadionunda keçiriləcək qarşılaşma Bakı vaxtı ilə saat 20:55 başlayacaq. Oyunu İtaliyadan olan hakimlər briqadası idarə edəcək.
E qrupunun digər qarşılaşması Ukraynada oynanılacaq. «Vorskla» klubu Portuqaliyanın «Sportinq» komandasını qəbul edəcək.
Qrupda ikinci turun oyunları keçiriləcək.
İlk turda «Arsenal» «Vorskla»nı (4:2), «Sportinq» isə «Qarabağ»ı (2:0) məğlub etmişdi.
«Qarabağ», hələlik, qrupda sonuncu yeri tutur.