Rusiyanın Soyuz raketi Qazaxıstandakı Baykonur Kosmodromundan orbitə qalxıb. Raket Beynəlxalq Kosmik Stansiyaya bir kanadalı və bir amerikalı astronavtı və bir rusiyalı kosmonavtı aparır.
Rusiyanın Roskosmos agentliyi Twitter-də yazıb ki, dekabrın 3-də Soyuz “uğurla orbitə yollanıb”.
Raket rusiyalı Oleg Kononenko, NASA-dan Anne McClain və Kanada Kosmik Agentliyindən David Saint-Jacques-ı aparır.
Üçlüyün altı saatdan sonra kosmik stansiyaya çatacağı gözlənir.
Oktyabrın 11-də Soyuz-un missiyası uçuş başlayanda ikicə dəqiqə sonra yarıda kəsilmişdi.