Xarici işlər naziri Elmar Məmmədyarovun rəhbərlik etdiyi nümayəndə heyəti Avropada Təhlükəsizlik və Əməkdaşlıq Təşkilatının (ATƏT) Nazirlər Şurasının 25-ci toplantısında iştirak etmək üçün Milana gedib.
Bu barədə Xarici İşlər Nazirliyinin dekabrın 4-də yaydığı məlumatda deyilir.
Toplantı çərçivəsində E.Məmmədyarovun çıxışı və ikitərəfli görüşləri nəzərdə tutulub.
Səfər zamanı Azərbaycan və Ermənistan xarici işlər nazirlərinin Dağlıq Qarabağ münaqişəsinin nizamlanması ilə bağlı görüşü gözlənilir. Görüşün ATƏT-in Minsk qrupu həmsədrlərinin vasitəçiliyi ilə keçiriləcəyi gözlənilir.