Ukraynanın təhlükəsizlik agentliyi böyük kiber hücumu önlədiyini bildirir və ölkənin məhkəmə sistemini hədəfə almış bu hücum cəhdinə görə Rusiya günahlandırıb.
Ölkənin təhlükəsizlik agentliyi olan SBU dekabrın 4-də bildirib ki, hakerlər ədliyyə sisteminin kompüterlərinə hücum məqsədilə saxtalaşdırılmış maliyyə sənədlərindən istifadə ediblər.
SBU hücumun “irimiqyaslı” olduğunu desə də, detalları açıqlamayıb.
2014-cü ildən, Rusiya Krımı qanunsuz ilhaq edəndən Ukrayna daimi kiberhücumlara və haker hücumlarına məruz qalıb.
2015-ci ilin dekabrında ölkənin elektrik şəbəkəsinə koordinasiyalı kiberhücumlar olunub, elektrik təchizatında böyük kəsilmələr yaranıb. SBU buna görə Rusiya günahlandırsa da, ABŞ-ın hökumət agentlikləri belə etməyib.
Müstəqil tədqiqatçılar da həmin hücuma görə Rusiya kəşfiyyat agentliklərinə bağlı rusiyalı haker qrupunu suçlayıb.