Bazar ertəsi, dekabrın 10-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamenti bildirir ki, həmin günü bəzi yerlərdə çiskinli yağış yağacaq, cənub-qərb küləyi gündüz arabir güclənəcək. Havanın temperaturu gecə 6-8, gündüz 9-12 dərəcə isti təşkil edəcək.
Nazirlik bölgələrdə havanın əsasən yağmursuz keçəcəyini qeyd edir. Ayrı-ayrı yerlərdə duman olacaq. Cənub-qərb küləyi gündüz arabir güclənəcək. Temperaturun gecə 2-7 dərəcə isti, gündüz 8-13 isti olacağı, dağlarda gecə 2-7 dərəcə şaxta, gündüz 0-5 isti olacağı ehtimal edilir.