Bu gün, dekabrın 10-u Beynəlxalq İnsan Hüquqları günüdür.
70 il öncə, 1948-ci il dekabrın 10-da BMT Baş Assambleyası «İnsan hüquqları haqqında ümumi bəyannamə» qəbul edib. 1950-ci ildən başlayaraq hər il dekabrın 10-u bütün dünyada Beynəlxalq İnsan Hüquqları günü kimi qeyd olunur.
İnsan hüquqları təbii və dərrakədən irəli gələn subyektiv hüquqları təsvir edir. Bu konsepsiyaya görə, hər bir insan irqindən, cinsindən, dilindən, dinindən, siyasi baxışlarından və sosial mənşəyindən asılı olmayaraq bərabərdir.
1950-ci il noyabrın 4-də Romada əsas insan hüquq və azadlıqlarının qorunmasından ötrü Avropa İnsan Hüquqları Konvensiyası imzalanıb. Bu konvensiyaya əsaslanan Avropa İnsan Hüquqları Məhkəməsi (AİHM) fəaliyyət göstərir.
Hazırda Azərbaycandan da bu məhkəməyə çoxsaylı şikayətlər gedir. İldən-ilə Azərbaycandan AİHM göndərilən şikayətlərin artdığı bildirilir.
Yerli hüquq müdafiəçilərinin hazırladığı siyahıya görə, Azərbaycanda hazırda 150 civarında siyası məhbus var. Ancaq Azərbaycan rəsmiləri ölkədə siyasi məhbusların olması fikrini qəbul etmirlər. Onlar deyirlər ki, siyasi məhbus sayılan şəxslər konkret törətdikləri əmələ görə məsuliyyətə cəlb ediliblər.