«2019-2020-ci tədris ilində ali təhsil müəssisələrində dövlət sifarişli yerlərin sayı əhəmiyyətli dərəcədə artırılacaq».
«Report» xəbər verir ki, bunu təhsil naziri Ceyhun Bayramov bu gün, dekabrın 21-də Bakıdakı Heydər Əliyev Mərkəzində keçirilən Azərbaycan Tələbələrinin II Qurultayında deyib.
Hazırda Azərbaycanın ali məktəblərində bakalavr səviyyəsində 157 min 662, magistratura səviyyəsində 13 min 442 tələbə təhsil alır. Azərbaycan ali məktəblərində tələbələrin 70 faizindən çoxunun ödənişli əsaslarla təhsil aldıqları bildirilir.