2-ci Dünya müharibəsi veteranı, Birləşmiş Ştatların ən yaşlı sakini hesab olunan şəxs 112 yaşında vəfat edib.
Veteran Richard Overton dekabrın 27-də Texasın Austin şəhərində reabilitasiya mərkəzində dünyasını dəyişib.
O, həm də 2-ci Dünya Müharibəsinin Birləşmiş Ştatlarda yaşayan ən yaşlı veteranı hesab olunurdu.
Son bir neçə ildə yaşına və müharibədəki xidmətinə görə Overtona diqqət artmışdı.
O, 1906-cı il mayın 11-də Texasda anadan olub, 1942-ci ildə orduya gedib.
İki dəfə evlənsə də, övladı olmayıb.
2013-cü ildə ovaxtkı Prezident Barack Obama Veteranlar Günündə onu mükafatlandırıb. Obama onu Ağ evə də dəvət etmişdi.