Yanvarın 9-da Bakı və Abşeron yarımadasında bəzi yerlərdə arabir yağış yağacağı ehtimalı var. Arabir güclənən cənub-qərb küləyinin əsəcəyi, axşam onun güclü şimal-qərb küləyi ilə əvəz olunacağı, gecəyə doğru arabir şiddətlənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 5-7, gündüz 9-12, Bakıda gecə 5-7, gündüz 9-11 dərəcə isti proqnozlaşdırılır.
Yanvarın 9-da Azərbaycanın bəzi rayonlarında da arabir yağış, dağlıq ərazilərdə qar yağacağı gözlənir. Gecə 2 dərəcə şaxtadan 3 dərəcəyədək isti, gündüz 7-12 dərəcə isti, dağlarda gecə 0-5, yüksək dağlıq ərazilərdə 7-11 dərəcə şaxta, gündüz 3-8 dərəcə isti təxmin edilir.
Tibbi-meteoroloji xəbərdarlıq
Yanvarın 9-da Abşeron yarımadasında atmosfer təzyiqinin enməsi fonunda arabir güclənən gilavar küləyinin axşamdan yanvarın 10-u gündüzədək güclü xəzri küləyi ilə əvəz olunacağı gözlənir. Meteoroloji amillərin qısa müddətə belə təzadlı dəyişkənliyi əksər əhaliyə əlverişsiz sayılır.