Bu gün, fevralın 4-ü Dünya Xərçənglə Mübarizə Günüdür.
Beynəlxalq Xərçəng Əleyhinə İttifaqın təsis etdiyi bu gün 2005-ci ildən qeyd edilir.
Həmin günün təsis edilməsinin başlıca məqsədi diqqəti bu qlobal problemə yönəltmək, eləcə də xərçəng xəstəliyinin təhlükəlilik dərəcəsi və onun yeni müalicə üsullarını dünya ictimaiyyətinə çatdırmaqdır.
Son illər bir çox dünya ölkələrində olduğu kimi, Azərbaycanda da onkoloji xəstələrin sayında artım olduğu bildirilir.
AZƏRTAC-ın xəbərinə görə, 2017-ci ildə 45.7 min onkoloji xəstə qeydə alınıb. 2016-cı ildə onkoloji xəstələrin sayı 43.9, 2015-ci ildə 40.6 min nəfər təşkil edib.
Müstəqil ekspertlər isə bu rəqəmin özünə belə şübhə edirlər. Onlar iddia edirlər ki, Azərbaycanda bəzi onkoloji xəstələr rəsmi qeydiyyatdan kənarda qalır.