Fevralın 7-də Azərbaycan prezidenti İlham Əliyev zəlzələnin baş verdiyi rayonlardan Şamaxıya gəlib.
AZƏRTAC-ın xəbərinə görə, fövqəladə hallar naziri Kəmaləddin Heydərov və Şamaxı Rayon İcra Hakimiyyətinin başçısı Tahir Məmmədov dövlət başçısına təbii fəlakətin törətdiyi fəsadlar barədə yerində məlumat verib.
Prezident İ.Əliyev zəlzələdən zərər çəkən tikililərə baxıb, sakinlərlə söhbət edib.
Xatırlatma
Fevralın 5-si saat 23:32 radələrində Azərbaycanda 6 bal gücündə zəlzələ baş verib. Zəlzələnin episentri İsmayıllı rayonu olub. Zəlzələ ətraf yerlərdə 5.3 bal gücündə hiss edilib. Şamaxı, Ağsu və İsmayıllı rayonlarında onlarla evin, tiklinin xəsarət gördüyü bildirilir. Zəlzələnin daha çox Şamaxı rayonunda fəsadlar törətdiyi qeyd edilir.