Pakistanın cənub-qərb və mərkəzi regionlarında daşqın və leysan yağışlarda 12 nəfər həlak olub. Bu açıqlamanı rəsmilər fevralın 21-də verib.
Lasbella şəhəri yaxınlığındakı kəndləri su basıb, 3 nəfər həlak olub, 200-dək ailəyə ziyan dəyib.
Pakistanın mərkəzində isə leysan yağışlar nəticəsində evlər uçub, doqquz nəfər ölüb.
Hazırda xilasedicilər iş başındadır.
Mövsümi yağışlar Pakistanda tez-tez torpaq sürüşmələri və daşqınlara səbəb olur.