Martın 11-də Azərbaycan ordusu genişmiqyaslı təlimlərə başlayacaq. Bu barədə Azərbaycan Müdafiə Nazirliyinin martın 8-də yaydığı məlumatda bildirilir.
Nazirlik vurğulayır ki, təlimlərə 10 min nəfərədək şəxsi heyət, 500-dək tank, zirehli texnika, avtomobil və xüsusi texnika cəlb ediləcək.
Eyni zamanda, 300-dək müxtəlif çaplı raketin, artilleriya qurğusunun, reaktiv yaylım atəş sisteminin və minaatanların prosesə cəlb edilməsi nəzərdə tutulur.
Təlimlər martın 15-nə kimi davam etməlidir.