Martın 16-da Bakı və Abşeron yarımadasında havanın əsasən yağmursuz keçəcəyi gözlənir. Səhər və axşam bəzi yerlərdə duman olacağı təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 5-8, gündüz 10-15, Bakıda gecə 6-8, gündüz 12-14 dərəcə isti proqnozlaşdırılır.
Martın 16-da Azərbaycanın rayonlarında da havanın əsasən yağmursuz keçəcəyi, lakin gündüzdən bəzi qərb rayonlarında yağış, dağlıq ərazilərdə qar yağacağı ehtimalı var. Gecə 4-8, gündüz 16-21, dağlarda gecə 0-5, gündüz 6-10 dərəcə isti təxmin edilir.