Aprelin 5-də Bakı və Abşeron yarımadasında havanın əsasən yağmursuz keçəcəyi gözlənir. Səhər bəzi yerlərdə zəif duman olacağı ehtimalı var.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 7-9, gündüz 13-16, Bakıda gecə 7-9, gündüz 14-16 dərəcə isti proqnozlaşdırılır.
Aprelin 5-də Azərbaycanın rayonlarında da havanın əsasən yağmursuz keçəcəyi ehtimalı var. Lakin axşama doğru bəzi qərb rayonlarında yağış yağacağı proqnozlaşdırılır. Gecə 4-9, gündüz 17-22 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 6-11 dərəcə isti təxmin edilir.