Aprelin 23-də Bakı və Abşeron yarımadasında arabir yağış yağacağı gözlənir. Gecə yarımadanın bəzi yerlərində yağıntının intensiv olacağı ehtimalı var. Arabir güclənən şimal-qərb küləyinin əsəcəyi, axşam onun mülayimləşəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, aprelin 23-də Abşeronda gecə 5-7, gündüz 10-13, Bakıda gecə 5-7, gündüz 11-13 dərəcə isti proqnozlaşdırılır.
Azərbaycanın rayonlarında da aprelin 23-də fasilələrlə yağış yağacağı, bəzi yerlərdə yağıntının intensiv olacağı, dağlıq ərazilərdə qar yağacağı ehtimalı var. Gecə 3-7, gündüz 10-15 dərəcə isti, dağlarda gecə 3-8 dərəcə şaxta, gündüz 3-8 dərəcə isti təxmin edilir.