Bağdadın Sadr Siti adlanan ərazisində bazarda intiharçı hücumunda azı 8 nəfər öldürülüb, 15 nəfər yaralanıb.
Polis rəsmisinin mayın 9-da bildirməsinə görə, “partlayıcı kəmər geyinmiş intiharçı özünü Jamila bazarında köşklərin yanında partladıb”.
Hücuma görə məsuliyyəti İslam Dövləti (İŞİD) qruplaşması onlayn bəyanat verərək üzərinə götürüb.
Hücum axşam saat 9 radələrində, müsəlmanlar iftar açıb küçələrə çıxdığı zaman törədilib.
Son vaxtlar Bağdadda təhlükəsizlik durumu nisbətən yaxşılaşsa da, ölümcül terror hücumları davam edir.