Mayın 28-də Bakı və Abşeron yarımadasında bəzi yerlərdə arabir yağış yağacağı gözlənir. Şimal-qərb küləyinin əsəcəyi, gündüz onun şimal-şərq küləyi ilə əvəzlənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 16-18, gündüz 23-26, Bakıda gecə 16-18, gündüz 24-26 dərəcə isti proqnozlaşdırılır.
Mayın 28-də Azərbaycanın rayonlarında da arabir yağış yağacağı, bəzi yerlərdə leysan olacağı, şimşək çaxacağı, dolu düşəcəyi ehtimalı var. Gecə 15-19, gündüz 25-30, dağlarda gecə 8-13, gündüz 15-20 dərəcə isti təxmin edilir.