Bu gün, mayın 29-da Bakıda UEFA Avropa Liqasının final oyunu keçiriləcək.
Bakı Olimpiya Stadionundakı həlledici qarşılaşmada Londonun «Arsenal» və «Çelsi» klubları qarşı-qarşıya gələcəklər.
Saat 23:00-da başlayacaq oyunu Canluka Rokkinin başçılığı ilə italiyalı hakimlər heyəti idarə edəcək.
«Çelsi» bu vaxta qədər avrokuboklarda final qarşılaşmalarından beş dəfə qalib ayrılıb. «Arsenal» isə belə final oyunlarında yaşıl meydandan yalnız bir dəfə sevinclə ayrılıb.