İyulun 8-dә Azərbaycan Xalq Cəbhəsi Partiyasının (AXCP) Masallı rayon təşkilatının üzvü Araz Məmmədov saxlanıb.
Partiyadan AzadlıqRadiosuna bildirilib ki, cəbhəçi fəal Masallı Rayon Polis Şöbəsinə aparılıb və artıq bir neçə saatdır ondan heç bir xəbər yoxdur. Saxlanma səbəbi isə bilinmir.
Mәsәlә ilә bağlı Daxili İşlәr Nazirliyindən məlumat almaq mümkün olmayıb.
Ötən həftə AXCP Ali Məclisinin üzvü, Sabirabad rayonunda yaşayan Sahib Rüstəmli saxlanmışdı. O, bir neçə saat saxlandıqdan sonra azadlığa buraxılmışdı. AXCP üzvü sosial şəbəkələrdə yazdıqları ilə bağlı sorğu-sual olunduğunu bildirmişdi.